சிவலிங்கம்
ஓம் நமோ நமசிவாய
ஓம் நமோ நமசிவாய
முக்கிய பக்கங்கள்
Shiva Temples of Tamilnadu
தேவாரப் பாடல் பெற்ற சிவஸ்தலங்கள்
வெண்ணையப்பர் கோவில், திருநெல்வெண்ணை
தென்னாடுடைய சிவனே போற்றிஎந்நாட்டவர்க்கும் இறைவா போற்றி
| தகவல் பலகை | |
|---|---|
| சிவஸ்தலம் பெயர் | திருநெல்வெண்ணை (தற்போது நெய்வணை என்று வழங்குகிறது) |
| இறைவன் பெயர் | வெண்ணையப்பர் |
| இறைவி பெயர் | நீலமலர்க்கன்னி |
| பதிகம் | திருஞானசம்பந்தர் - 1 |
| எப்படிப் போவது | விழுப்புரம் - விருத்தாசலம் ரயில் பாதையில் உள்ள உளுந்தூர்பேட்டை ரயில் நிலையத்தில் இருந்து வடமேற்கே இந்த சிவஸ்தலம் உள்ளது. உளுந்தூர்பேட்டை சென்னையில் இருந்து சுமார் 190 Km. உளுந்தூர்பேட்டையிலிருந்து கள்ளக்குறிச்சி செல்லும் சாலையில் எலமனாசூர் வந்து பின் எறையூர் சென்று அங்கிருந்து வடகுரும்பூர் வழியாக இத்தலம் செல்லலாம் |
| ஆலய முகவரி |
அருள்மிகு வெண்ணையப்பர் திருக்கோவில் நெய்வணை கிராமம், கூவாடு அஞ்சல் வழி எறையூர், உளுந்தூர்பேட்டை வட்டம் விழுப்புரம் மாவட்டம் PIN - 607201 |
திருஞானசம்பந்தர் இயற்றியுள்ள இத்தலத்திற்கான இப்பதிகம் மூன்றாம் திருமுறையில் இடம் பெற்றுள்ளது.
நல்வெணெய் விழுதுபெய் தாடுதிர் நாடொறும் நெல்வெணெய் மேவிய நீரே நெல்வெணெய் மேவிய நீருமை நாடொறுஞ் சொல்வணம் இடுவது சொல்லே. நிச்சலும் அடியவர் தொழுதெழு நெல்வெணெய்க் கச்சிள அரவசைத் தீரே கச்சிள அரவசைத் தீருமைக் காண்பவர் அச்சமொ டருவினை யிலரே. நிரைவிரி தொல்புகழ் நெல்வெணெய் மேவிய அரைவிரி கோவணத் தீரே அரைவிரி கோவணத் தீருமை யலர்கொடு உரைவிரிப் போருயர்ந் தோரே. நீர்மல்கு தொல்புகழ் நெல்வெணெய் மேவிய ஊர்மல்கி உறையவல் லீரே ஊர்மல்கி உறையவல் லீருமை யுள்குதல் பார்மல்கு புகழவர் பண்பே. நீடிளம் பொழிலணி நெல்வெணெய் மேவிய ஆடிளம் பாப்பசைத் தீரே ஆடிளம் பாப்பசைத் தீருமை அன்பொடு பாடுளம் உடையவர் பண்பே. நெற்றியோர் கண்ணுடை நெல்வெணெய் மேவிய பெற்றிகொள் பிறைநுத லீரே பெற்றிகொள் பிறைநுத லீருமைப் பேணுதல் கற்றறி வோர்கள்தங் கடனே. நிறையவர் தொழுதெழு நெல்வெணெய் மேவிய கறையணி மிடறுடை யீரே கறையணி மிடறுடை யீருமைக் காண்பவர் உறைவதும் உம்மடிக் கீழே. நெருக்கிய பொழிலணி நெல்வெணெய் மேவியன் றரக்கனை யசைவுசெய் தீரே அரக்கனை யசைவுசெய் தீருமை யன்புசெய் திருக்கவல் லாரிட ரிலரே. நிரைவிரி சடைமுடி நெல்வெணெய் மேவியன் றிருவரை யிடர்கள்செய் தீரே இருவரை இடர்கள்செய் தீருமை யிசைவொடு பரவவல் லார்பழி யிலரே. நீக்கிய புனலணி நெல்வெணெய் மேவிய சாக்கியச் சமண்கெடுத் தீரே சாக்கியச் சமண்கெடுத் தீருமைச் சார்வது பாக்கியம் உடையவர் பண்பே. நிலமல்கு தொல்புகழ் நெல்வெணெய் ஈசனை நலமல்கு ஞானசம் பந்தன் நலமல்கு ஞானசம் பந்தன செந்தமிழ் சொலமல்கு வார்துய ரிலரே.