சிவலிங்கம்
ஓம் நமோ நமசிவாய
ஓம் நமோ நமசிவாய
முக்கிய பக்கங்கள்
Shiva Temples of Tamilnadu
தேவாரப் பாடல் பெற்ற சிவஸ்தலங்கள்
பழம்பதிநாதர் கோவில், திருப்புனவாயில்
தென்னாடுடைய சிவனே போற்றிஎந்நாட்டவர்க்கும் இறைவா போற்றி
| தகவல் பலகை | |
|---|---|
| சிவஸ்தலம் பெயர் | திருப்புனவாயில் |
| இறைவன் பெயர் | பழம்பதிநாதர், விருத்தகிரீஸ்வரர் |
| இறைவி பெயர் | கருணைநாயகி |
| பதிகம் | திருஞானசம்பந்தர் - 1 சுந்தரர் - 1 |
| எப்படிப் போவது | அறந்தாங்கியில் இருந்து 38 Km பயணம் செய்து மீமிசால் அடைந்து அங்கிருந்து 4 கி.மி. சென்றால் திருப்புனவாயில் அடையலாம். திருவாடானை, ஆவுடையார் கோவில் ஆகிய இடங்களில் இருந்தும் இத்தலத்திற்குச் செல்லலாம். இத்தலம் வங்கக் கடற்கரையோரம் அமைந்துள்ளது. திருச்சியிலிருந்து புதுக்கோட்டை, அறந்தாங்கி வழியாகவும், மதுரையிலிருந்து காரைக்குடி, அறந்தாங்கி வழியாகவும் இத்தலத்தை அடையலாம். |
நான்கு வேதங்களும் பூசித்த பெருமை உடையது இத்தலம். இக்கோவிலில் உள்ள நந்தியும் ஆவுடையாரும் (லிங்க பீடம்) மிகவும் பெரியதாக உள்ளது. சுவாமிக்கு மூன்று முழம் துணியும், ஆவுடையாருக்கு 30 முழம் துணியும் வேண்டும். "மூன்று முழமும் ஒரு சுற்று, முப்பது முழமும் ஒரு சுற்று " என்ற வாசகம் இத்தலத்து இறைவனைப் பற்றியதாகும். பாண்டிய நாட்டில் உள்ள 14 சிவஸ்தலங்களும் இங்கு இருப்பதாக ஐதீகம். அதற்கேற்ப கோவிலுக்குள் 14 சிவலிங்கங்கள் இருக்கின்றன. மஹாவிஷ்னு, பிரம்மா, இந்திரன், சூரியன், சந்திரன், எமதர்மன், வசிஷ்டர், அகத்தியர் ஆகியோர் வழிபட்டுள்ளனர். தலமரம் - புன்னை. தீர்த்தம் - இலக்ஷ்மி தீர்த்தம், பிரம தீர்த்தம்.
சுந்தரர் இயற்றியுள்ள இத்தலத்திற்கான இப்பதிகம் 7-ம் திருமுறையில் இடம் பெற்றுள்ளது
சித்தம் நீநினை என்னொடு சூளறும் வைகலும் மத்த யானையின் ஈருரி போர்த்த மணாளனூர் பத்தர் தாம்பலர் பாடிநின் றாடும் பழம்பதி பொத்தில் ஆந்தைகள் பாட்ட றாப்புன வாயிலே. கருது நீமனம் என்னொடு சூளறும் வைகலும் எருது மேற்கொளும் எம்பெரு மாற்கிட மாவது மருத வானவர் வைகும் இடம்மற வேடுவர் பொருது சாத்தொடு பூசல றாப்புன வாயிலே. தொக்கா யமனம் என்னொடு சூளறும் வைகலும் நக்கான் நமை யாளுடை யான்நவி லும்மிடம் அக்கோ டரவார்த் தபிரா னடிக் கன்பராய்ப் புக்கா ரவர் போற்றொழி யாப்புன வாயிலே. வற்கென் றிருத்திகண்டாய் மனமென்னொடு சூளறும் வைகலும் பொற்குன்றஞ் சேர்ந்ததோர் காக்கைபொன் னாமது வேபுகல் கற்குன்றுந் தூறுங் கடுவெளி யுங்கடற் கானல்வாய்ப் புற்கென்று தோன்றிடு மெம்பெரு மான்புன வாயிலே. நில்லாய் மனம் என்னொடு சூளறும் வைகலும் நல்லான் நமை யாளுடை யான்நவி லும்மிடம் வில்லாய்க் கணை வேட்டுவர் ஆட்ட வெகுண்டுபோய்ப் புல்வாய்க் கணம் புக்கொளிக் கும்புன வாயிலே. மறவல் நீமனம் என்னொடு சூளறும் வைகலும் உறவும் ஊழியு மாயபெம் மாற்கிட மாவது பிறவு கள்ளியின் நீள்கவட் டேறித்தன் பேடையைப் புறவங் கூப்பிடப் பொன்புனஞ் சூழ்புன வாயிலே. ஏசற்று நீநினை யென்னொடு சூளறும் வைகலும் பாசற் றவர் பாடிநின் றாடும் பழம்பதி தேசத் தடியவர் வந்திரு போதும் வணங்கிடப் பூசற் றுடிபூச லறாப் புன வாயிலே. கொள்ளி வாயின கூரெயிற் றேனங் கிழிக்கவே தெள்ளி மாமணி தீவிழிக் கும்மிடஞ் செந்தறை கள்ளி வற்றிப்புல் தீந்துவெங் கானங் கழிக்கவே புள்ளி மானினம் புக்கொளிக் கும்புன வாயிலே. எற்றே நினை என்னொடுஞ் சூளறும் வைகலும் மற்றேதும் வேண்டா வல்வினை யாயின மாய்ந்தறக் கற்றூறு கார்க் காட்டிடை மேய்ந்தகார்க் கோழிபோய்ப் புற்றேறிக் கூகூ எனஅழைக் கும்புன வாயிலே. பொடியாடு மேனியன் பொன்புனஞ் சூழ்புன வாயிலை அடியார் அடியன் நாவல வூரன் உரைத்தன மடியாது கற்றிவை யேத்தவல் லார்வினை மாய்ந்துபோய்க் குடியாகப் பாடிநின் றாடவல் லார்க்கில்லை குற்றமே. சித்தம் நீநினை என்னெடு சூளுறும் வைகலும் மத்த யானையின் ஈருரி போர்த்த மணாளனூர் பத்தர் தாம்பலர் பாடிநின் றாடும் பழம்பதி பொத்தில் ஆந்தைகள் பாட்ட றாப்புன வாயிலே.